ილკა როგმან-მეკელი, უფროსი ასაკის მოქალაქეთა ასისტენტი გერმანიიდან

ილკა უფროსი ასაკის მოქალაქეთა ასისტენტია. იგი 30 წლის განმავლობაში მუშაობდა დასაქმებულის სტატუსით. ბორდერლაინ სინდრომით გამოწვეული ძლიერი სტრესის გამო, მისთვის ძალიან რთულია ერთდროულად ბევრ ადამიანთან კონტაქტი. ბოლო 10 წლის განმავლობაში იგი მუშაობდა ხანდაზმულთა სახლში — სამუშაოზე, რომელმაც კლიენტებთან ურთიერთობის წყალობით დიდი პირადი კმაყოფილება მოუტანა, თუმცა კოლეგებთან კომუნიკაცია ზოგჯერ პრობლემას წარმოადგენდა. საბოლოოდ, მან გადაწყვიტა დამოუკიდებლად ემუშავა, როგორც ყოველთვის სურდა, თუმცა ადრე ამის ცდა გამბედაობა არ ჰყოფნიდა.

უმუშევრობის პერიოდში ქალბატონი როგმანი იღებდა მხარდაჭერას “Enterability”-ისგან (თვითდასაქმებისთვის ყოფილი ინტეგრაციის სამსახური) — პირველი რამდენიმე თვის განმავლობაში 900 ევროს, ხოლო 2022 წლის აპრილამდე 300 ევროს. “Bundesvereinigung der Senioren-Assistenten Deutschland e.V.”-ის წევრობაც დაეხმარა, რომ თავი მარტოდ არ ეგრძნო და მონაწილეობა მიეღო სხვადასხვა ვორქშოპში. მისი ვაჟი და მეუღლეც დიდ მხარდაჭერას უწევდნენ.

თვითდასაქმების შემდეგ ქალბატონ როგმანს მიეცა შესაძლებლობა, აღარ ემუშავა ბევრ ადამიანთან ერთდროულად. მისი თქმით, ადამიანების დახმარებით მიღებული შეგრძნება ძალიან დამაკმაყოფილებელია და მის თვითშეფასებასაც ზრდის.

მას შემდეგ იგი უფრო თავდაჯერებული გახდა. რამდენიმე წლის წინ საკუთარ თავზე, საკუთარ გზასა და შეზღუდულობაზე ღიად საუბარი არ შეეძლო. ახლა კი მიაჩნია, რომ ამაზე ღიად საუბარი უკიდურესად მნიშვნელოვანია, რათა საზოგადოება მისნაირი ადამიანების მიმართ უფრო მგრძნობიარე და მიმღები გახდეს.