ალი აიდოღმუში, სოციალური მეწარმე იზმირიდან, თურქეთი — კომპანიის დამფუძნებელი, რომელიც შეზღუდული შესაძლებლობის მქონე პირებს საკონსულტაციო მომსახურებას უწევს

საჯარო სამსახურში მუშაობის პერიოდში ის გაწევრიანდა არასამთავრობო ორგანიზაციებში, რამაც მას შესაძლებლობა მისცა მოესმინა იმ პრობლემების შესახებ, რომლებსაც შეზღუდული შესაძლებლობის მქონე პირები აწყდებიან, და მხარი დაეჭირა მათი ცხოვრების აქტიურ მონაწილეობაში ჩართვისთვის. ალი დარწმუნებულია, რომ შეზღუდული შესაძლებლობის მქონე პირები საზოგადოებაში უფრო ხილულები უნდა იყვნენ. ამიტომაც ის მათ თავის კომპანიის მეშვეობით უჭერს მხარს. როგორც თავად შეზღუდული შესაძლებლობის მქონე პირი, მან კარგად იცის, რა სირთულეებს აწყდებიან ისინი ჩვეულებრივ, და შეუძლია შესაბამისი გადაწყვეტილებების შეთავაზება.

მან შეძლო ბიზნესის დაწყება KOSGEB-ის მეწარმეობის გრანტის მიღების შემდეგ. განაცხადის მოთხოვნებთან შესაბამისობაში ყოფნისთვის, მას უნდა გაევლო „საბაზისო მეწარმეობის კურსი“, რომელიც მან წარმატებით დაასრულა.
დასაწყისში მას ფინანსური სირთულეები ჰქონდა. მისი ბიზნესი საზოგადოების წინასწარგანწყობებს ებრძოდა. თავდაპირველად მომხმარებლების პოვნა ადვილი არ იყო. უმეტესობას ეგონა, რომ მხედველობის დარღვევის გამო ის თავის საქმეს სათანადოდ ვერ შეასრულებდა.
ეს დისკრიმინაციული მიდგომა რთულად დასაძლევი აღმოჩნდა. ალის კომპანიას 2 წელი დასჭირდა, რათა მყარად დამდგარიყო ფეხზე და შემოსავლის გენერირება დაეწყო.

ბიზნესის ადმინისტრირების ფაკულტეტის დასრულების შემდეგ, ალიმ განათლება ტურიზმისა და მოგზაურობის მართვის დეპარტამენტშიც გააგრძელა. 2001 წლიდან ის 16 წლის განმავლობაში ფინანსთა სამინისტროში მუშაობდა. შემდეგ მან გადაწყვიტა საკუთარი ბიზნესის დაწყება და დააფუძნა „Disabled Life Solutions Consultancy Company“, რომელიც შეზღუდული შესაძლებლობის მქონე პირთა ცხოვრების გაუმჯობესებაზეა ორიენტირებული.