İlknur Peder, заснавальніца кампаніі па персанальным кансультаванні – “Bridge” (“Köprü”)

У 2003 годзе İlknur заснавала кансультацыйную кампанію і кампанію па асабістым развіцці “Bridge” (“Köprü”). Яе кампанія аказвае кансультацыйныя паслугі людзям з інваліднасцю і прапануе псіхалагічную падтрымку людзям з інваліднасцю і іншым сацыяльна ўразлівым асобам. İlknur выступае за фундаментальныя правы людзей з інваліднасцю.

İlknur сама мае фізічную інваліднасць. У той жа час яна ўзначальвае Ізмірскае аддзяленне Турэцкай асацыяцыі людзей з інваліднасцю. Яна таксама адказвае за Савет па пытаннях аховы здароўя Гандлёва-прамысловай палаты Ізміра.

З-за сваёй інваліднасці İlknur не дапусцілі да школы, таму яна не змагла атрымаць базавую адукацыю. Яна самастойна навучылася чытаць і пісаць нагамі. Яна прачытала шмат кніг з розных дысцыплін і развівала сябе. Яна марыла стаць псіхолагіняй, убачыўшы такую прафесію ў фільме. Каб ажыццявіць гэтую мару, яна завяршыла пачатковую і сярэднюю адукацыю праз экстэрнатныя экзамены. Потым яна здала ўніверсітэцкі экзамен і паступіла на факультэт псіхалогіі Эгейскага ўніверсітэта. Урэшце яна скончыла ўніверсітэт і заняла трэцяе месца сярод іншых студэнтаў, хоць яе сям’я была супраць яе навучання. Пасля завяршэння адукацыі яна заснавала кампанію, каб змяняць асяроддзе і змагацца з дыскрымінацыяй, з якой сутыкалася на працягу ўсяго жыцця.

Да стварэння свайго працоўнага месца İlknur прайшла шмат прафесійных і клінічных навучальных курсаў, якія праводзілі ўніверсітэты і кансультацыйныя цэнтры. Яна кажа, што найважнейшым уплывам вядзення кампаніі на яе жыццё з’яўляецца пачуццё сацыяльнага прыняцця.